زانست و سەردەم

لە سالانی ٩٠ کاندا هەندێک لە زانایانی کورد لە لەندەن دەستیانکرد بە دامەزراندنی گۆڤارێکی زانستی بەناوی زانست و سەردەم.. مەبەستی دەرکردنی ئەم گۆڤارە بڵاوکردنەوەی هەواڵ و ووتاری زانستی  سەردەمیانەی ئەوکاتانە بوو کە لەلایەن هەندێک لە شارەزا و پسپۆڕانی کورد لە هەندەران ئەو گۆڤارەیان دەوڵەمەند کردبوو.. بابەتەکان زیاتر لە بواری زانستی کیمیا و فیزیا وکۆزمۆلۆجی و ژینگە و تەندرووستی و دەرمانسازی ئەدوان.. یەکەم کۆپی مانگی پێنجی ١٩٩٥ دەرچوو، دواتریش دووەم کۆپی لە مانگی شەشی ساڵی ١٩٩٧ دەرچوو.. لە سەرەتادا دەبوایە ئەم گۆڤارە بە وەرزی دەربکرایە بەڵام بەداخەوە نەبوونی پشتگیری وایکرد کە بەردەوام نەبێت

ناوی هەندێک لەو کەسایەتیانەی ووتاریان دەنووسی لە دەرچووی یەکەم و دووەمی ئەم گۆڤارەدا بەڕێز: دلاوەر عەلادین، هێمن موفتی، دارا جەمیل، زیاد فازل، ئەنوەری سولتانی، زاهیر سۆران، عەلی حاجی، جەبار سالح، شیروان نوری، عدنان فرج، ڕێبوار فەتاح و ئەنوەر محەمەد.. هتد